ಸುದ್ದಿಯ ಸ್ಥಳ: Shivamogga district, Karnataka
MALENADUTODAY.COM | SHIVAMOGGA | #KANNADANEWSWEB
ಆನ್ಲೈನ್ ಫ್ರಾಡ್ ಕೇಸ್ಗಳು ಸಾಮಾನ್ಯವಾಗಿ ಒಟಿಪಿ ಪಡೆಯುವ ಮೂಲಕ ನಡೆಯುತ್ತವೇ ಇದೀಗ ಶಿವಮೊಗ್ಗದಲ್ಲಿ(shivamogga) ಬೇರೆಯದ್ದೆ ರೀತಿಯಲ್ಲಿ ಮೋಸವೊಂದು ನಡೆದಿದೆ. ದೂರದಿಂದ ಇನ್ನೊಬ್ಬರ ಮೊಬೈಲ್ ಅಥವಾ ಪಿಸಿಯಲ್ಲಿ ವರ್ಕ್ ಮಾಡುವ ಅಥವಾ ರಿಪೇರಿ ಮಾಡುವ ಆನ್ಲೈನ್ ಸಾಪ್ಟ್ವೇರ್ ಅಪ್ಲಿಕೇಶನ್ ಮೂಲಕ, (Remote Desktop Application)ಇಲ್ಲಿನ ನಿವಾಸಿಯೊಬ್ಬರ ಅಕೌಂಟ್ನಿಂದ ನಾಲ್ಕು ಲಕ್ಷ ರೂಪಾಯಿಯನ್ನು ವರ್ಗಾವಣೆ ಮಾಡಲಾಗಿದೆ. ಈ ಸಂಬಂಧ ಶಿವಮೊಗ್ಗ ಪೊಲೀಸರಿಗೆ ದೂರು ದಾಖಲಾಗಿದ್ದು, ಆನ್ಲೈನ್ ಫ್ರಾಡ್ ಕೇಸ್ ದಾಖಲಾಗಿದೆ.
READ | BREAKING : ಮತ್ತೊಂದು ದರೋಡೆ ಯತ್ನವನ್ನು ತಡೆದ ಶಿವಮೊಗ್ಗ ಪೊಲೀಸ್! ನಾಲ್ವರ ಬಂಧನ !

ನಡೆದಿದ್ದೇನು?
ಮೊನ್ನೆ ಅಂದರೆ, ದಿನಾಂಕ-20-02-2023 ರಂದು, ದೂರುದಾರರ ನಂಬರ್ಗೆ ಮೆಸೆಜ್ ಒಂದು ಬಂದಿದೆ. ಅದರಲ್ಲಿ ಮನೆಯ ಕರೆಂಟ್ ಬಿಲ್ ಕಟ್ಟಿಲ್ಲ ಎಂದು ನಮೂದಿಸಲಾಗಿತ್ತು. ಇದನ್ನು ನೋಡಿ ಗಾಬರಿಯಾದ, ಮನೆಯವರು, ಆ ನಂಬರ್ಗೆ ಕರೆ ಮಾಡಿ ನಾವು ಬಿಲ್ ಕಟ್ಟಿದ್ದೇವೆ ಎಂದಿದ್ದಾರೆ. ಅದಕ್ಕೆ ಕರೆ ಸ್ವೀಕರಿಸಿದ ವ್ಯಕ್ತಿಯು ಕಾಲ್ ಸೆಂಟರ್ ಗೆ ಕಾಲ್ ಮಾಡಿ ಹೇಳಿ ಎಂದು ಮೊಬೈಲ್ ನಂಬರ್ಗಳನ್ನ ನೀಡಿದ್ದಾರೆ.
ಅಂದರೆ, ದೂರುದಾರರು ಆ ನಂಬರ್ ಕರೆಮಾಡಿದ್ದಾರೆ. ಆ ಕಡೆ ಕರೆ ಸ್ವೀಕರಿಸಿದ ವ್ಯಕ್ತಿ ನೀವು ಕಟ್ಟಿದ ಹಣ ರಿಜೆಸ್ಟ್ರೇಷನ್ ಆಗಿರುವುದಿಲ್ಲ ಎಂದಿದ್ದಾರೆ. ಅಲ್ಲದೆ ನೀವು 11 ರೂಪಾಯಿ ಕಟ್ಟಬೇಕು ಎಂದಿದ್ದಾರೆ. ಅದಕ್ಕಾಗಿ ನೀವು Any desk App ನ್ನು ಇನ್ಸ್ಟಾಲ್ ಮಾಡಿಕೊಳ್ಳಿ ಎಂದಿದ್ದಾರೆ.
ವಿಷಯ ಗೊತ್ತಾಗದ ವ್ಯಕ್ತಿಯು ಆತ ಹೇಳಿದಂತೆ ಮಾಡಿದ್ದಾರೆ, ಬಳಿಕ ನಿಮ್ಮ ಇಂಟರ್ನೆಟ್ ಬ್ಯಾಂಕಿಂಗ್ ಪಾಸ್ವರ್ಡ್ ಹಾಕಿ ಎಂದು ಹೇಳಿ ಅಕೌಂಟ್ ಓಪನ್ ಮಾಡಿಸಿದ್ದಾರೆ. ಬಳಿಕ, 2 ಸಲ ಒಟ್ಟು ನಾಲ್ಕು ಲಕ್ಷ ರೂಪಾಯಿಯನ್ನು ವರ್ಗಾವಣೆ ಮಾಡಿಕೊಂಡಿದ್ದಾರೆ.
ಸದ್ಯ ಈ ಸಂಬಂದ ನೊಂದ ಸಂತ್ರಸ್ತರು ದೂರು ನೀಡಿದ್ದು, ಎಫ್ಐಆರ್ ದಾಖಲಾಗಿದೆ. ಶಿವಮೊಗ್ಗ ಎಸ್ಪಿ (shivamogga sp ) ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಪ್ರತಿಸಲವೂ ಇಂತಹ ಸೈಬರ್ ಫ್ರಾಡ್ಗಳಿಗೆ ಗುರಿಯಾಗದಿರಿ ಎಂದು ಜಾಗೃತಿ ಮೂಡಿಸುತ್ತಿರುತ್ತಾರೆ. ಆದರೆ, ವಂಚಕರು ಹೊಸ ಹೊಸ ದಾರಿ ಹಿಡಿದು ಜನರಿಗೆ ಮೋಸ ಮಾಡುತ್ತಿದ್ಧಾರೆ. ಹೀಗಾಗಿ ಜನರು ಇನ್ನಷ್ಟು ಹುಷಾರಿನಲ್ಲಿರುವುದು ಒಳಿತು.